په کندهار کې د شیدو تولیداتو کې زیاتوالی راغلی دی
۳۰/۷/۱۳۹۹
دميلکو دشيدو دتوليد فابریکې په خپلو توليداتو کې زیاتوالی راوړی.
دکندهارولایت دشوراندام په صنعتي پارک کې دميلکو دشيدو توليد فابریکه له څو کلونو راپدیخوا فعالیت لري، چې په دې وروستیو کې یې تولیدات مخ په ډیرېدو دي.
دغه دشيدو دتوليد او پروسس فابریکه چې د۴ ميلیونه امریکایي ډالرو په پانګونه جوړه شوې، په لومړیو کې یې دلبنیاتو په سکتور کې یوازې څلور قلمه تولیدات درلودل، خو اوس یې دغه تولیدات ۳۵ قلمو ته رسېدلي دي.
دیادولو وړده چې یاده فابریکه په ۲۴ ساعتونو کې ۲۰ زره کيلو ګرامه شيدې او نور لبنیات توليدوي او ترڅنګ یې په دغه فابریکه کې په مستقیم او غیر مستقیم ډول څه دپاسه ۸۰۰تنه دکندهار ښاریان په کار بوخت دي.
د صنعت او سوداګرۍ وزارت موندنې ښیي چې افغانستان په کال ۱۳۹۵ یم کې د ۳۹ میلیون ډالرو په ارزښت ۲۵ زره ټنه شیدې وارد کړي دي خو په کال ۱۳۹۸ یم کې دغه شمیره ۱۵۰۰۰ ټنو ته چې ۹ میلیون امریکايي ډالرو ته رسیږي را کمه شوې ده.
