په کندهار کې د افغان تولیداتو او محصولاتو درې ورځنۍ ملي نندارتون پرانیستل شو
یکشنبه ۵ رجب المرجب ۱۴۴۶ / ۱۶ مرغومی ۱۴۰۳
په کندهار کې د افغان توليداتو او محصولاتو ملي نندارتون د نوموړي ولایت د صنعت او سوداګرۍ ریاست په مشری او د سيکارام احمدي بازار موندنې شرکت له خوا د شنبې په ورځ د مرغومي(جدې) په ۱۵مه پرانیستل شو چې په پرانیست غونډه کې د کندهار ولايت ټولو ادارو ريیسانو، علماوو سوداګرو او پانګوالو ګدون کړی وو.
په همدې مناسبت په جوړ شوي محفل کې د کندهار د ولایتي ادارې مسوولینو خبری وکړي او د سیکارام احمدي د بازار موندنې شرکت لخوا مېلمنو ته د هر کلي ویلو تر څنګ د نندارتون په اړه ګډونوالو ته معلومات ورکړل شول.
په یاد محفل کې د کندهار ولایت اړوند د صنعت او سوداګري رياست د صنعتي پارکونو امر مولوي محمد ثاقب او د سوداګرۍ خونې ریيس محمد سرور اغا اماني خبرې وکړې چې په ويناوو کې يې نندارتونونوته دصنعت په برخه کې ګټور ياد کړل او غوښتنه يې وکړه جې د کورنيو توليداتو د ملاتړ په موخه دې له کورنيو توليداتو ګټه واخستل شي.
په یاده غونډه کې د افغانستان د کانونو و صنايعو خونې عمومي ريس شېر باز کمين زاده هم خبرې وکړې او په خپلو خبرو کې یې داسلامي امارت له مشرتابه مننه وکړه چې پانګوالو ته په ځانګړي ارزښت قايل دي.
نوموړي د امرالمومنین حفظه الله هغه وروستي فرمان وستایلو چې صنعت کارانو او سوداګرو ته يې د يوسل او شل جريبه ځمکې د ځانګړې کېدو په اړه ورکړی او د غونډې نورو ويناوالو ډاډ ور کړ چې د هېواد د صاداتو کچه ورځ تربلې ښه کيږي او ډېر ژر به هېواد دمصرفي هېواد پر ځاى په صادراتي او توليدي هېواد بدل شي.
يادولو وړ ده چې د کندهار په ملي نندراتون کی نږدې ١٠٠ غورفې فعالې دي چې درې ورځې به دکندهار په شامي صالون کې دوام وکړي.
