صنعت کارانو سره لیدنه
پنج شنبه مورخ ۲۲ ربیع الثانی ۱۴۴۴ / ۲۶ لړم ۱۴۰۱
د صنعت او سوداګرۍ وزارت مرستیال ښاغلي مولوي قدرت الله جمال د صنعت کارانو سره د دې وزارت په عمومي تالار کې لیدنه وکړه.
په دې لیدنه کې یو شمېر صنعت کارانو خبرې وکړې. دوی په خپلو خبرو کې د یو لړ عمده ستونزو لکه برېښنا, ماليې, صفايي کتابچې او صنفي جوازونو څخه یادونه وکړه.
د وزارت مرستیال ښاغلي جمال د ستونزو د اورېدلو نه وروسته ددوی له راتګ څخه د مننې تر څنګ د ستونزو د حل ډاډ ورکړ. نوموړي زیاته کړه چې د سوداګریزو ستونزو د حل په موخه به هره اونۍ تخصصي او تخنیکي ناسته ترسره کیږي. همدا رنګه به د ماليې وزارت او ښاروالي اړوند ستونزې د اړوند ارګانونو سره د حل په موخه شریکې شي.
