د هرات ولایت سوداګرو او صنعت کارانو سره د صنعت او سوداګرۍ سرپرست او نوماند وزیر لیدنه
دوشنبه ۱۳۹۹ کال د تلۍ ۲۱مه
د صنعت او سوداګرۍ سرپرست او نوماند وزیر ښاغلي نثاراحمد غوریاني د هرات ولایت د صنایعو او معادنو خونې رئیس ښاغلي حمیدالله خادم، رهبری هئیت او صنعت کارانو سره دیاد وزارت د مقام د کنفرانسونو په تالار کې ولیدل او د هغه ولایت د پانګونې په فرصتونو او صنعتي ښارګوټو په عمده ستونزو يې خبري وکړي .
په دې لیدنه کې ښاغلي حمیدالله خادم د صنعت او سوداګرۍ د سرپرست او نوماند وزیر په توګه د ښاغلي نثاراحمد غوریاني د ټاکلو مبارکې وویله او د هرات ولایت د صنعتي ښارګوټو د عمده ستونزو یادونه یې وکړه .
نوموړي د کانالازیسیون نشتوالي،د سرکونو خاموالي،د ښارګوټي په ټولو فازونو کې د امنیت نشتون،د فابریکو د ضروت وړ بریښنا نشتوالي او د ښارګوټي د څلورخواوو د احاطې نشتوالي ددي ښارګوتي د عمده ستونزو څخه وبلل.
په دی لیدنه کې ښاغلي سید خلیل قتالی د هرات ولایت د صنایعواومعادنو د اطاق معاون وویل د هرات ولایت د څلورم فاز د بنیادونو قیمت ددی ولایت د صنعت کارانو په وړاندي یوه بله ستونزه ده او هیله مند یو چې د وزارت نوي رهبري د دي قیمتونو کمولو ته پاملرنه وکړي .
د غونډې په دوام د یاد ولایت د ستونزو شریکولوڅخه ښاغلی نثاراحمد غوریاني خوښي وښوده او وي ویل،د هرات ولایت د صنعتی ښارګوټي ټولې ستونزي پیژندل شوي دي او حل به شي نوموړي زیاته کړه، د هرات ولایت دصنعتی ښارګوټي د څلورم فاز د ستونزو په حل کار روان دي او په نږدي راتلونکې کې به دا ستونزه حل او صنعت کارانو ته به ددي فاز د ځمکی ویش پیل شي
د هرات ولایت صنعتي پارکونه په ۱۳۸۳ کال د ښار په جنوب کې تاسیس او اوس تر ۳۰۰ زیاتي صنعتي او تولیدي فابریکې په کې فعالیت ترسره کوي .
د هرات ولایت صنعتي پارکونه د افغانستان د مهمو صنعتي پارکونو څخه دي چې د مختلفو هیوادونو زیات شمیر پانګوالو په دي صنعتي پارکونو کې پانګونه کړې ده .
