د میوو او سبزیو سوداګرو اتحادیې سره دصنعت او سوداګرۍ وزیر لیدنه
پنجشنبه: د وری ۲۶مه 1400
د صنعت او سوداګرۍ وزیر ښاغلي نثار احمد غوریاني د شهید مصطفی کاظمي د غونډوو په تالارکې د میوو او سبزیو دسوداګرو اتحادیې له مشرتابه سره وکتل، د میوو او سبزیو دسوداګرو ستونزو باندې یې خبرې وکړې.
پدې ناسته کې، د اتحادیې مشرتابه د هیواد په بندرونو کې د میوو او سبزیو په صادراتو او وارداتو کې خپلې بیلابیل ستونزې د صنعت او سوداګرۍ وزارت رهبرۍ سره شریکې کړې.
دصنعت او سوداګرۍ وزیر ښاغلي نثار احمد غوریاني د میوو او سبزیو سوداګرو ستونزو ته په اشارې سره وویل چې دا وزارت د میوو اوسبزیجاتو د سوداګرو د ستونزو د حل لپاره هڅې کوي.
ښاغلي غوریاني زیاته کړه چې د دغه وزارت رهبري د خصوصي سکتور اړوندو دولتي ادارو له مشرتابه سره د سوداګرو، پانګوالو او صنعتکارانو د ستونزو د حل په موخه خبرې کو.
