د سوداګریزو خدماتو(صادراتي) ادارو د همغږۍ غونډه
یکشنبه د زمری ۲۳مه ۱۴۰۱
د صنعت او سوداګرۍ وزارت پورې اړوند د دویمې واحدونو د پنځو سوداګریزو خدمتونو (صادراتي) ادارو د همغږۍ لومړۍ غونډه د صنعت او سوداګرۍ وزارت د مرستیال ښاغلي مولوي قدرت الله جمال په مشرۍ ترسره شوه.
دا غونډه چې د صادراتو د پراختیا د رئیس ښاغلي احسان الله فطرت په هڅو جوړه شوه وه ، نوموړي د یادو پنځوسوداګریزو خدماتو (صادراتې) ادارو د همغږۍ د ستراتیژۍ په اړه معلومات ورکړل.
ورپسې د ممیزو، میوو او سبزیجاتو د صادراتو د پراختیا ریاست، د حیواناتو او نباتاتو دصنعتی محصولاتو د اتحادیې، د لاسي صنایعو د پراختیا ریاست،د افغانستان د غالیو د تولیدونکو او صادرونکو اتحادیې او د قره قل د انستتیوت ریاست استازو د خپلو ادارو د تیرو کړنو په اړه معلومات وړاندې کړل.
په پای کې پرېکړه وشوه، چې یاد ادارات دې د هېواد د صادراتو د ودې په موخه دې د خپلو فعالیتونو، دندو، ستونزو او وړاندیزونو درې میاشتنی راپور د وزارت مشرتابه ته وړاندې کړي.
