د خصوصي سکتور د پراختیا پلي کولو کمیټې (PriSEC) د دویمې کاري ډلې اوومه غونډه
دوشنبه دچنګاښ 14مه 1400
د خصوصي سکتور د پراختیا پلي کولو کمیټې (PriSEC) دوهمې کاري ډلې اوومه ناسته د صنعت او سوداګرۍ وزارت معین ، محمد سلیمان بن شاه په مشرۍ ، د پراسيک استازو ، دولتي ادارو او خصوصي سکتور په ګډون جوړه شوه.
د غونډې په پیل کې ، محمد سلیمان بن شاه وویل چې د خصوصي سکتور وده او د دوی د ستونزو حل د صنعت او سوداګرۍ وزارت لومړیتوب دی او دا وزارت د دولتي بنسټونو ، خصوصي سکتور او د خصوصي سکتور پراختیا کمیټې سره په ګډه کار کوي ترڅو د دې سکتور ستونزې وڅیړي اودحل لارې چمتو کړي.
په دې ناسته کې ، د هوایی دهلیز له لارې د صادراتو اصلاحات او د نړۍ له مختلفو هیوادونو سره د نويو هوایی دهلیزونو زیاتوالی ، په تورخم ګمرک کې د غالیو صادراتو بندیدو ستونزې ، د میوودسوداګرو ستونزې او په افغانستان کې د سوداګرۍ پرمختیا کاري ډلې د فعالیتونو په اړه دراپور وړاندې کول او د وارداتو په ډیروالي په اړه نظريات وړاندې شول
ديادونې وړ ده چې ددې کمیټې ناستې د صنعت او سوداګرۍ وزارت لخوا رهبري کیږي ، او د حکومت او خصوصي سکتور بیلابیل بنسټونه په ځانګړي توګه د سوداګرۍ او پانګونې خونې او د مالیې وزارت د دې ډلې غړي دي.
