د افغانستان دکرنۍ او مالدارۍ د خونې مشرتابه سره لیدنه
پنجشنبه د غويی ۹مه ۱۴۰۰
د صنعت او سوداګرۍ وزیر د افغانستان د کرنې او مالدارۍ اتاق لپاره د ټاکنو پر ترسره کیدو ټینګاروکړ.
د صنعت اوسوداګرۍ وزیرښاغلي نثار احمد غوریاني د افغانستان د کرنې او مالدارۍ د خونې د لنډمهاله مشرتابه سره وکتل او دیادې خونې د دایمې او انتخابې مشرتابه لپاره د ټاکنو پر ترسره کولو يې ټینګار وکړ.
په دې ناسته کې د نوموړې خونې عامل او مدیره پلاوي ریسانود اتاق د فعالیتونو او دندو په اړه راپور وړاندې کړ او څرګنده یې کړه چې تر دې دمه په 15 ولایتونو کې د کرنې او مالدارۍ د خونې څانګې پرانیستل شوې او په نورو ولایاتو کې يې د پرانیستو بهیر روان دی.
د دې خونې د مدیره پلاوي غړو هم د کړن لارې سره سم، د ټاکنو د ترسره کیدو او د انتخابې مشرتابه لپاره د دې خونې د چمتووالي څخه ډاډ ورکړ.
په دې ناسته کې د صنعت او سوداګرۍ وزیر د دغه خونې د فعالیتونو ستاینه وکړه او ټینګار یې وکړ چې په دیموکراتیکو نظامونو کې ټاکنې منل شوي اصل دي او دانتخابي بنسټونو مشرتابه باید، د رڼې مستقیمې او هر اړخیزې ټاکنیزې پروسې له لارې وټاکل شي.
په پای کې دصنعت او سوداګرۍ وزیر په نږدې راتلونکي کې د قطرهیواد ته په ورځ کې د دافغانستان د۴۰ ټنو کرنیزو محصولاتو د لیږدونې د تړون د لاسلیک د چمتووالی خبر ورکړ، او د کرنې د سکتوردفعالانو څخه یې غوښتنه وکړه،چې د کرهنیزو محصولاتو صادراتو په برخه کې دخپل معیارونو په لوړلو سره کولاي شي ددې فرصت څخه طلايې ګټه پورته کړی.
