د افغانستان - تاجیکستان ترمنځ ګډه سوداګریزه ناسته
شنبه: دغبرګولي۱۵مه ۱۴۰۰
افغانستان - تاجیکستان ګډه سوداګريزه ناسته د افغانستان اسلامي جمهوری دولت د صنعت او سوداګرۍ وزیر ښاغلي نثار احمد غوریاني ورسره مل پلاوي، د تاجیکستان جمهوریت د لومړي وزیر مرستیال، د ترانسپورت وزیر، د صنعت او نوي ټیکنالوژي وزیر او د خصوصي سکتور استازو په ګډون د دوشنبې په ښارکې،د اقتصادي، سوداګریزو او ترانزیټې اړیکو د پراختیا په موخه ترسره شوه .
د صنعت او سوداګرۍ وزیر ښاغلي نثار احمد غوریاني د دواړو هیوادونو تر منځ د اقتصادي،سوداګریزو اوترانزیتي اړیکو پر پراختیا ټینګار وکړ او زیاته یې کړه چې دتاجکستان حکومتي چارواکو لخوا د افغان سوداګرو د ستونزو حل به د، دواړو هیوادونو تر منځ د سوداګریزو همکاریو د کچې په لوړوالي کې مرسته وکړی.
ښاغلي غوریاني زیاته کړه د افغانستان په بیلابیلو سکتورونو کې د پانګوونې لپاره لازم فرصتونه شتون لري او د تاجک پانګوالو څخه یې وغوښتل چې په دې برخو کې پانګونه وکړي.
په دې کتنه کې د تاجکستان جمهوريت د لومړي وزير مرستيال ښاغلي عثمانزاده عثمان علي هم د دواړو هېوادونو تر منځ د اقتصادي ، سوداګریزواو ترانزيټي همکاريو پر، پراختيا ټينګار وکړ او ژمنه يې وکړه چې په خپل هېواد کې به د افغان سوداګرو ټولې ستونزې حل کړي.
نوموړي زیاته کړه،چې د دواړو هیوادونو ترمنځ د سوداګریزه راکړه ورکړه او ترانزیټ به د افغانستان - تاجیکستان اقتصادي ودې لپاره لاره هواره کړی.
د افغانستان – تاجیکستان په ګډه سوداګریزه ناسته کې، د ټرانسپورټ ، صنعت او نوي ټیکنالوژۍ وزیرانو،د تاجیکستان جمهوریت د خصوصي سکتور استازو او د افغانستان اسلامي جمهوری دولت د خصوصي سکتور استازو د دواړو هیوادونو ترمنځ د اقتصادي ،سوداګریزواو ترانزیټي همکاریو پر، پراختیا ټینګار وکړ .
د غونډې په پای کې، په افغانستان کې د پانګوونې فرصتونو په اړه اړین معلومات د تاجکستان پانګوالو ته وړاندې شول ،افغان سوداګرو هم د وارداتو او صادراتو د زیاتوالي په اړه په جلا سوداګریزو ناستو کې د تاجک سوداګرو سره هوکړې ته ورسیدل.
