داوسپنې ویلې کولو له دوو فابریکو څخه دصنعت او سوداګرۍ دمعین لیدنه
دوشنبه: دوري ۳۰ مه ۱۴۰۰
دصنعت او سوداګرۍ وزارت د صنعت او سوداګرۍ چارو معین ښاغلي محمد سلیمان بن شاه د افغانستان داوسپنې ویلې کولو ملي اتحادیې سره په ناسته کې د اوسپنې ویلې کولوفابریکوپر فرصتونو او ننګونو خبرې وکړې.
په دې ناسته کې ، د افغانستان د اوسپنې ویلې کولو ملي اتحادیې مشرتابه بهر ته دداغمه اوسپنې د قاچاق ، د خامو موادو او ماشینري توکو لپاره د لومړني تعرفو دوخت ډیرلګښت ضعیفه پروسه او د کورني بازار نشتوالي په اړه خبرې وکړې.
د صنعت او سوداګرۍ وزارت معین ، محمد سلیمان بن شاه وویل چې په دې برخه کې د تولید کونکو ټولې ستونزې څېړل کیږي او یادې ستونزې به د مالیې وزارت او نورو وزارتونو سره تر بحث لاندې ونیول شي .
ښاغلي بن شاه دا هم وویل چې د هیواد داوسپنې ویلې کولو صنعت د ودې لپاره د لازمو اسانتیاو چمتو کولو لپاره ، د اوسپنې ویلې کولو سکټور پالیسي څیړل کیږي او د منظورۍ لپاره به عالي اقتصادي شورا ته واستول شي.
دغه راز دصنعت او سوداګرۍ چارو معین د خان سټیل او هوفیاني سادات د اوسپنې ویلې کولو له کارخانو څخه لیدنه وکړه او د بیلابیلو اوسپنیزو توکو د تولید په برخه کې یې د هیواد پر ځان بسیاینې ټینګار وکړ.
دا دوه تولیدي فابریکې ، د کورنیو پانګوالو په پانګونې سره ، څو کاله دمخه د اوسپنې ویلې کولو په سکتور کې خپل فعالیتونه پیل کړي ، او اوس دوی بیلابیل ډوله اوسپنیزتوکي او اوسپنېز ګاډر تولید وي چې دیو شمېر هېواد والو لپاره یې دکار زمینه هم مساعده کړې ده.
