په بامیانو ولایت کې دلبنیاتودپروسس او بسته بندۍ دیوه مرکز پرانیسته
شنبه: دوري ۲۱مه ۱۴۰۰
په بامیانو ولایت کې دامیدتابان دلبنیاتودپروسس او بسته بندۍ مرکز د۱۴ میلیونه افغانیو په پانګونه خپل فعالیت پیل کړ.
په دغه کار خونه کې چې په یوه شپه او ورځ کې ۸ ټنه شیدې پروسس کیږي ، پاستوریزه شیدې،مستې،شلومبې او کوچ پروسس کیږي.
دامید تابان دپروسس او بسته بندۍ دغه کارخونه سربیره پر دې چې دیاد ولایت اړتیاوې له دې اړخه پوره کوي ورسره په څنګ کې یې ددې ولایت یوشمېر اوسیدونکو ته دکار زمینه هم برابره کړې ده.
داوس لپاره یاده کارخونه خپل محصولات دبامیانو په ولایت کې پلوري او په نږدې راتلونکې کې به خپل محصولاتو څیرمه ولایتونو او کابل ته هم دخرڅلاو په موخه واستوي.
داپه داسې حال کې ده چې په دې وروستیو کې دهېواد یو شمېر ولایتونه دلبنیاتو دپروسس او بسته بندۍ په برخه کې پر ځان بسیاینې ته رسیدلي دي.
