د نوو جوړ شوو صنعتي ښارګوټو د وضعیت څیړنه
چهارشنبه د سلواغې27مه
د صنعت او سوداګرۍ وزیرښاغلی نورالدین عزیزي د سه شنبې په ورځ د پلچرخي صنعتي پارکونه ،د کابل شنو خصوصي صنایعو پارکونه، د پروان ولایت باریکاب، سنجد درې اود لوګر ولایت د محمداغې له صنعتي پارک څخه لیدنه وکړه.
په دې سفر کې د صنعتي پارکونو عمومي رئیس ښاغلي سید محسن سادات کې د یادو پارکونو حدود روښانه کړل او ویې ویل چې اوس د صنعت او سوداګرۍ وزیر په هڅو او د اقتصادی شورا او کابینې په ملاتړ د کار کولو یو استثنایی فرصت دی شته او موږد صنعتی بارکونو د پیاوړتیا په موخه هڅه کوو ترڅو په هیواد کې د پانګونې مناسب چاپېریال رامنځته کړو.
د فابریکو خاوندانو او پانګوالو د صنعت او سوداګرۍ وزیر او ورسره پلاوي ته د ښه راغلاست ترڅنګ خپلې ستونزې او ننګونې مطرح کړې او د برېښنا په برخه کې یې د لا ډېرې پاملرنې غوښتنه وکړه.
ښاغلي عزیزي د دوی د ستونزو، ننګونو د لیدلو په اورېدو په ترڅ کې وویل، چې د ایماني اوسلامي مسؤلیت په توګه د کورنیو صنایعو د ملاتړ پر بنسټ د افغانستان پرځان بسیا کول زموږ ستره موخه ده ،ترڅو د پخوا په پرتله دا پروسه لا ګړندۍ کړو.
نوموړي صنعتي پارکونه د هېواد د اقتصاد بنسټ او د هېوادوالو لپاره د حلال رزق د ترلاسه کولو يوه لاره وګڼله او مسوولينو ته يې د يادو پارکونو د فعاليت د ګړنديتوب په موخه لازمې لارښوونې وکړې.
د یادولو وړ ده چې د پلچرخي صنعتي پارک نوی فاز د ملي دفاع وزارت له ۱۰۰۰ جریبه ځمکې سره موازي دی، چې د ځانګړې کمیټې د نظریې له مخې به صنعتکارانو او پانګوالو ته د هغې د ویش لپاره د صنعت او سوداګرۍ وزارت ته وسپارل شي.
د محمداغې صنعتي پارک چې په لوګر ولایت کې موقعیت لري، په دوه فازونو کې ۵۰۰ جریبه ځمکه لري.
لمړی فاز ۲۸۳ جریبه ځمکې په درلودلو د بنسټیزو اسانتیاوې لکه پاخه سړکونه، د اوبو رسولو سیستم، د بریښنا د ویش سیستم او شاوخوا دیوالونه شامل دي، چې تراوسه پّ کې ۳۶ نمرې وېشل شوي او پاتې ۱۴۱ نمرې د وېش لپاره چمتو دي.
د باریکاب صنعتي – کرنیز پارک د پروان ولایت په مرکز کې په ۲۰۰۰ جریبه ځمکه کې موقعیت لري چې لومړی فاز یې د ۱۸۰ نمرو په ګډون د ۳۴۰ نمرو په درلودلو سره ۵۵۰ جریبه لري،او د پاخه سړک، د اوبو رسولو سیسټم، د فاضله موادوسیتم، د بریښنا د ویش سیسټم او نورۍ سانتیاوی لری.
د پروان ولايت د سنجيد درې صنعتي پارک چې په ۵۸۰ جريبه ځمکه کې موقعيت لري، چې دلومړي فاز ۱۳۰ نمرو، د سړکونو د هواری او د احاطې دېوال چارې يې ۸۰ سلنه بشپړې شوې دي.
