د سوداګرۍ وزارت مرستیال له خان سټیل څخه لیدنه وکړه
یک شنبه مورخ 1ربیعالاول 1445 / 26 وږی 1402
د صنعت او سوداګرۍ وزارت مرستیال ښاغلي مولوي قدرت الله جمال د خان سټیل له بېلابېلو برخو لیدنه ترسره کړه. د لیدنې په ترڅ کې د یادې فابریکې مسؤلینو د خپلو تخنیکي او مسلکي فعالیتونو په اړه بشپړ مالومات وړاندې کړل.
ښاغلي جمال د خان سټیل له فعالیتونو خوښي څرګنده کړه او یاده فابریکه یې د هیواد د صنعتي سکتور پیاوړې او ویاړلې بېلګه وبلله. په وینا یې خان سټیل په نړیوال سټینډرډ برابر تولیدات داخل او بهر ته وړاندې کوي چې د ستاینې وړ ده.
نوموړي د اوسپنې صنعت وده د هیواد د پرمختګ لپاره ارزښتناک ګام یاد کړ او هیله یې څرګنده کړه چې په پروژو کې د کورنیو تولیداتو کارونې ته پام وشي.
