دسوداگرۍ په نړیوال سازمان کې دهند له سودا گریز سیاست څخه دافغانستان ملاتړ
سه شنبه : دمرغومې ۳۰ مه ۱۳۹۹
د نړیوال سوداګرۍ سازمان غړو د هندوستان د سوداګرۍ د اوومې پالیسۍ د بیاکتنې پرمهال د هند د سوداګرۍ او اقتصادي پالیسیو ، دهر ائخیز والِ له مخې د هند له هلو ځلو ستاینه وکړه.
په نړیوال سوداګریزسازمان کې د افغانستان دایمي استازي او سفیر ښاغلي سید رامین زیوري ، په خپله بیانیه کې چې په دې سرمشریزه کې وړاندې شوه ، د اقتصادي ودې ، د نړۍ په صادراتو او وارداتو کې د ونډې د ډیروالي،اقتصادي ودې پورې اړوند شاخصونو کې د زیاتوالی ،دغه هیواد ته د نړیوال بانک درتبه بندۍ دورکولو ، نوښت او لوژستیکي اجراتوپه شاخص کې د زیاتوالي له کبله مبارکي وویله.
ښاغلي زیوري د هند د څو اړخیزه سوداګرۍ سیسټم لاندې د سوداګرۍ آزادولو لپاره د هند له ژمنو څخه ستاینه وکړه او په ۲۰۱۶ کال کې یې د سوداګرۍ د اسانتیا وو تړون د لاسلیک کولو پراهمیت یې ټینګار وکړ او زیاته یې کړه چې د سوداګرۍ د اسانتیا وو په برخه کې يې یو لړ اقدامات ترسره کړي.
زیوري د هند او افغانستان تر منځ د دوستانه اړیکو پر اهمیت او د دوه اړخیزې سوداګرۍ د پراختیا په موخه د یوه لوی ظرفیت پرشتون باندې ټینګار وکړ او زیاته یې کړه چې افغانستان د نړیوال سازمان د قواعدو پر اساس د آزادې څو اړخیزه سوداګرۍ سیستم په ساتلو کې د نورو هیوادونو تر منځ د هند پر رول ټینګار کوي.
د یادونې وړ ده چې د هند استازو د افغانستان د سوداګرۍ له تګلارو څخه د دوی له ملاتړنه مننه وکړه.
