دکندهار ولایت سوداګرو او پانګوالو سره لیدنه!
د سوداګرۍ او صنایعو وزارت سرپرست معین ښاغلي عبدالکریم ملکیار د کندهار ولایت له سوداګرو او پانګوالو سره د سوداګرۍ د صنایعو خونې مرستیال یونس مومند او سوداگرۍ وزارت د ریسانو په ګډون غونډه ترسره کړه .
د غونډې په جریان کې ، سوداګرو او پانګوالو د سوداګرۍ له وضعیت په ځانګړي ډول له افغانستان څخه پاکستان ته د صادراتو د بیا پیل په اړه خبرې وکړې او د سوداګرۍ او صنایعو وزارت د هڅو ستاینه یې وکړه،دوی د ترانزیت په اړه خپلې اندیښنې هم شریکې کړې.
ورپسې ، ښاغلي مالکیار خبرې وکړې او د هیواد د اقتصاد وده کې د خصوصي سکتور رول مهم یې یاد کړ. هغه د سوداګرۍ او صنایعو وزارت د هېواد د سوداګرۍ او صنایعو کور وباله او دوه اړخیزې همکارۍ یې له اوسنیو ستونزو او ننګونو څخه د وتلو یوه منل شوې اړتیا وبلله،هغه زیاته کړه چې په افغانستان کې سوداګري له دوو لویو ستونزو سره مخ ده. له هرڅه دمخه ، زموږ سوداګري لاهم د سیمې د پالیسیو له سیوري څخه نه ده وتلې ، لږ سیاسي بدلونونه زموږ د سوداګرۍ حالت تر سیوري لاندې راولي، د دې ننګونې حل لوی هڅې او بیلابیل سوداګریزې او ترانزیتي حل لاري غواړي. د سوداګرۍ او صنایعو وزارت د چابهار په بندر کې د سوداګرۍ او ترانزیت وروستي بندیزونو لرې کولو لپاره د رسمي چینلونو له لارې د متحده ایالاتو سفارت سره کار کوي. دوهمه ستونزه په هیواد کې د سوداګرۍ غیر معیاري طبیعت دی. زموږ د سوداګري اتیا سلنه لاهم غیر معیاري او عنعنوي ده. د هیواد ډیری محصولات په خپل اصلي بڼه صادر کیږي. زموږ سوداګر او پانګوال کولی شي پدې برخه کې لا زیاته پاملرنه وکړي ترڅو موږ وکولی شو په کور دننه د خپلو صادراتي توکی پروسس کولو ته وده ورکړو او د نړۍ بازارونو کې د افغاني صادراتي توکو نرخ لوړ کړو. د دې موخې ترلاسه کول یوازې د فعال او ژمن خصوصي سکتور په همکارۍ ممکن دي.
پدې وروستیو کې، اړوندو چارواکو ته لارښوونه شوي چې د بانکدارۍ ننګونو او د ترانزیت مسلې حلولو لپاره سمدستي اقدام وکړي.
