میدان وردګو ولایت کې "د هېواد تولید د هېواد ویاړ" تر عنوان لاندې د کورنیو تولیداتو لوی نندارتون بشپړ راپور
جمعه ۱۰ ربیع الاول ۱۴۴۶ / ۲۳ سنبله ۱۴۰۳
دغه نندارتون چې د میدان وردګ ولایت په مرکز میدان ښار د غازی کریم خان تالار کې د دریو ورځو لپاره پرانیستل شوی وو، چې زیات شمیر صنعت کارانو او سوداګرو پکې بېلابېل تولیدي توکي نندارې ته پکې وړاندې کړل.
په دغه نندارتون کې د چارو ادارې لوی رئیس شیخ نورالحق انور، د صنعت او سوداګرۍ وزارت مرستیال وزیر مولوي احمدالله زاهد، د یاد وزارت د سرمایه ګزاری رئیس صبغت الله اخندزاده د نندارتونو رئیس مولوي قابل محمد عابد د میدان وردګو ولایت والی سربیره د یاد ولایت ټولو ملکی، نظامی او قضایی مسولینو، ملی پانګوالو، د موسساتو استازو او په زیاته کچه عامو خلکو ګډون وکړو.
په یاد نندارتون کی مختلف تولیدی توکی، لاسی صنایع او زراعتی توکې ننداری ته وړاندي شول.
یاد نندارتون د میدان وردګ ولایت د پانګوالو لپاره زیاتی لاسته راوړني درلودی، چی پرون د پنجشنی ورځ یاد نندارتون د پانګوالو د تشویق په خاطر ګډون کوونکو شرکتونو ته د تصدیق پاڼو په ورکولو سره پای ته ورسید.
