دیدار وزیر صنعت و تجارت با وزیر رشد اقتصاد و تجارت تاجیکستان
جمعه ۱۴ جوزا۱۴۰۰
نثاراحمد غوریانی وزیر صنعت و تجارت دولت جمهوری اسلامی افغانستان در سفرش به تاجیکستان با محترم ذوقی ذوبی زاده وزیر رشد اقتصاد و تجارت تاجیکستان در شهر دوشنبه دیدار و روی گسترش همکاری های تجارتی و ترانزیتی بحث و گفتگو کردند.
در این نشست محمد ظاهر اغبر سفیر افغانستان در تاجیکستان وشماری از تاجران و صنعت کاران افغانستان با حضور مقام های عالی رتبه ی هر دو کشور روی حل مشکلات و چالش های سکتور خصوصی نیز تبادل نظر کردند.
نثاراحمد غوریانی وزیر صنعت و تجارت در این نشست, تاجیکستان را از کشور های مهم برای افغانستان جهت افزایش روابط تجارتی و ترانزیتی میان دو کشور عنوان کرد.
همچنان محترم ذوقی ذوبی زاده وزیر رشد اقتصاد و تجارت تاجیکستان بر افزایش همکاری تجارتی میان دو کشور تاکید کرد.
نثاراحمد غوریانی وزیر صنعت و تجارت در یک سفر رسمی در راس یک هئیت به شمول سکتور خصوصی برای گفتگو با مقام های تاجیکستان جهت حل مشکلات سکتور خصوصی و افزایش همکاری میان دو کشور به شهر دوشنبه سفر کرده است.
