برگزاری نشست هماهنگی و تخنیکی پیرامون جلسه دوم کمیسیون مشترک بین‌الحکومتی با اوکراین

یکشنبه ۱۰ حوت ۱۳۹۹

نشست هماهنگی و تخنیکی پیرامون جلسه دوم کمیسیون مشترک بین‌الحکومتی با اوکراین تحت ریاست نثاراحمد غوریانی وزیر صنعت و تجارت با اشتراک نمایندگان دولتی و سکتورخصوصی در تالار کنفرانس‎های عبدالمجید زابلی برگزار شد.

در این نشست، نثاراحمد غوریانی گفت که سفر هیأت دولتی – خصوصی عضو کمیسیون مشترک بین‌الحکومتی افغانستان با جمهوری اوکراین یک سفری کاری در عرصه‌ی همکاری‌های تجارتی – اقتصادی میان دوکشور می‌باشد.

آقای غوریانی افزود که دولت جمهوری اسلامی افغانستان و وزارت صنعت و تجارت تلاش دارد تا سطح همکاری‌های تجارتی – ترانزیتی و اقتصادی با جمهوری اوکراین را افزایش داده و حجم صادرات افغانستان با آن کشور نیز افزایش یابد.

هیأت دولتی – خصوصی افغانستان تحت ریاست نثاراحمد غوریانی در جریان دوهفته‌ی آینده به شهر کیف مرکز جمهوری اوکراین سفر و در مورد همکاری‌های تجارتی– اقتصادی با مقام‌های دولتی و سکتورخصوصی آن کشور بحث و تبادل‌نظر خواهند کرد.