اوزبیکستان روابط تجارتی - ترانزیتی و همکاریهای اقتصادیاش را با افغانستان گسترش میدهد
چهارشنبه 12 قوس 1399
نشست آنلاینی که میان وزارت صنعت و تجارت جمهوری اسلامی افغانستان، وزارت سرمایهگذاری و تجارت خارجی جمهوری اوزبیکستان، سفارت خانههای دوکشور و نمایندگان از سکتورخصوصی هر دوجانب برگزار شده بود؛ مقامات جمهوری اوزبیکستان خواهان گسترش روابط تجارتی – ترانزیتی و همکاریهای اقتصادی با افغانستان گردید.
در این نشست روی فُرصتها، چالشها و موضوعات متعددی (تجارت - ترانزیت، سرمایهگذاریهای دوجانبه، عقد موافقتنامههای تجارتی – ترانزیتی، روابط بانکی، گمرک، همکاری در چارچوب فعالیتهای مرکز کارگوی شهر ترمذ اوزبیکستان و ساخت بازارهای مشترک مرزی) بحث و تبادلنظر صورت گرفت.
قابل یادآوری است که محترم شوکت میرضیایف رئیس جمهوری اوزبیکستان چندپیش به منظور آزادسازی تجارت متقابل، گسترش و تحکیم هر چه بیشتر همکاریهای اقتصادی با جمهوری اسلامی افغانستان؛ فرمان 12مادهای را صادر کرده بود.
